كيف تصبح اسان جديد

هااااااااااااااى ازيكم يااحلى اصحاب موضوعى النهارده عن ازاى تغير مجرى حياتك وتحولها 180 درجه للاحسن يلا نبدا الموضوع:
عشان تكون انسان جديد لازم تتخلص الاول من اللى مش عاجبك فى نفسك من سلوك وعادات ومشاعر سلبيه وقدرات ضعيفه.........بعدها ممكن انك تكون انسان ايجابى جدا وفعال من قدرات ومواهب وتصرفات ومقومات شخصيه وعشان تكون انسان جديد لازم تتبع الخطوات الآتية:

1-اعترف الاول بما تريد ان تغيره فى نفسك:
قانون الحياه بيقول انك ماتقدرش تغير اللى انت مش عايز تعترف بيه لنفسك
لازم تفكر مع نفسك وتكون صريح وواقعيا فى كل مايخص حياتك وكل شخص تتعامل معاه ولازم تكون صادق فى تعاملك مع الامور غير الحقيقيه فى حياتك اتوقف عن انك تخلق الاعذار لنفسك
اما بقى لو كنت غير راغب فى الاعتراف لنفسك بعدم رضاك عن سلوك ما او عاطفه ما او اعتقاد ما او موقف ما فانت مش هتقدر تغير نفسك
يعنى مثلا لو انت اخفيت عن طبيبك حقيقه ماتعانى منه مش هيقدر يعالجك وكذلك انت طبيب نفسك يعنى لازم تكون امين وصادق مع نفسك ولازم تمتلك القوة والشجاعه عشان تسال نفسك الاسئله الصعبه ولازم تجيب عنها بواقعيه.......زى مثلا:هل انا كسول؟ليه دايما ببقى سريع الانفعال والغضب؟ليه دايما بتسرع فى قراراتى وبعد كده بندم عليها؟هل اعيش بدون هدف؟

2_تعرف على مالا تجيد صنعه وتوقف عنه:
الهدف هو انك تعترف بنقاط الضعف اللى بتواجهها فى قدراتك لازم تحاول انك تعاج نقاط الضعف بس لو انت ماوصلتش لنتيجه اتوقف عن نقاط ضعفك وابتدى بالتحويل الى نقاط القوه واستثمرها ونميها ولازم تردد الصلاة ديهربى امنحنى القوة لقبول الاشياء التى لا استطيع تغييرها والجراه لاغير الاشياء التى استطيع ان اغيرها والحكمه لاعرف الفرق)

3_اتعلم من الماضى:
لازم تعمل قائمه بعاداتك السيئه ونقاط ضعفك وتتغلب عليها زى مثلا:
1_لاتبكى على الماضى لكن اتعلم منه وتحرك بقوة نحو المستقبل مزودا بهذه الخبره اللى اكتسبتها فى الماضى
2_استرجع مع نفسك المواقف اللى ظهر فيها ضعفك وقله حيلتك واتذكر كل تفاصيل الحادث وايه اللى انت قررت تعمله وقتها
3_عيد النظر فى اللى حصل ليك وحط تصور للى حصل ليك واتخيل نفسك وانت بتتعامل مستقبلا مع ذلك الموقف القديم بس برؤيه جديده مختلفه ومتغلبا على قصورك ونقاط ضعفك
4_زد من مواطن القدرة فيك:
مواطن القدره يعنى القدرات والمواهب والمهارات اللى تجيد استخدامها ولازم تكون الموهبه دى بتحبها وتكون عن اقتناع تام مثلا اتعلم برامج كمبيوتر او فين البيع والتسويق
5-كيف تصبح انسانا جديدا.............دائم التجدد؟؟؟
اهتم بالاشتراك فى الرحلات والجولات السياحيه
طبق فلسفه (حياه جديده)وهى فلسفه التنقل عشان تشوف الدنيا بافاق واسعه فيتجدد نشاطك وتزيل عن حياتك الغبار النفسى اللى اتعلق بيك نتيجه الركود فى مكان واحد مش بتغيره ونتيجه التزامك بروتين يومى ولازم تنشئ صداقات جديده وتجدد صداقات كانت قائمه ثم فترت
ممكن كمان تتردد على مكتبه عامه بانتظام ده بيعمل على تنشيط حياتك الثقافيه وتجديدها ويسمح لك انك تقابل شخصيات لامعه فى المجال الثقافى
1_اعترف بما تريد ان تغيره فى نفسك
2_اتعلم من الماضى فهو ده سبيلك الوحيد الى المستقبل الجديد
3_من رأسك يبدأ التجديد
بس كده يارب يكون موضوعى عجبكم وانى ماكونش طولت عليكم

الله مرسي اوى يا صموئيل ربنا يعوضك